नशा

ए होस् गुमाउन रक्सी पिउने हरु हो!
आओ..
मलाई कहिल्ये नफिर्ने गरी
होस् गुमाउने नशा थाहा छ।
एक दिन साँझ...
..बिच बाटोमा शायद यसरी नै कराउंदै थिए म।
एउटा जड्याहा हल्लिदै आयो..
"तँलाई साच्चै थाहा छ् होसै नफिर्ने नशा?"
मैले गर्व साथ सोधें-" तँलाई प्रेम भनेको थाहा छ?"
'साला सबैले होस् गुमाउनै पिउंछन भन्ने नसोंच`,
त्यही प्यारमा गुमेको होस्
अलिकती रक्सिमा छ कि भनेर खोज्नेहरु पनि छन यहाँ बुझिस?'
ऊ मलाई थर्काएर आफ्नो बाटो लाग्यो,
म उसलाई साधुवाद दिएर
ऊ आएको बाटो खोज्न थालें।

चप्पल

आज राती सपनामा
मन्दिरको ढोकैबाट
मेरो पहेँलो चप्पल हराएको देखेर
भत्केको आस्था घिसार्दै,
सपनाको डिल डिलै कुद्दा
बाटो खनिरहेका गल गैँचीँहरु
मलाई लखेट्न थाले।
भाग्दा भाग्दै आकाशबाट
इन्द्रेनिको रातो रंग मात्र चोइटिएर
तरवार बनेर मेरो टाउकै भएर खस्यो।
पेटमा टाउको लुकाएर,
कुलेलाम ठोक्दा ,
मुर्कुट्टा म  

मङ्शिर नाघेर

असारमा खस्नु अघी
चप्पल मात्र बोल्न भ्याएँ।

सपना:उकालो ओरालो

जुन दिन मेरा आँखाहरु
 जि.बि.श चोकमा हराएर
पिच बाटो हुँदै उकालो लागे,
त्यही दिन देखी तिम्रो मुर्ती बनाएर,
मेरा सपना र प्रेम
 त्यहाँ खन्याएको भए,
शायद,,
भगवानले श्वास पनि भरिदिन्थे होला।
तर,
तिमीलाई यो संसारमा
म छु भन्ने  पनि थाहा छैन शायद,
अनी शायद म,
यो संसारमा
तिमी बाहेक
अरु पनि छन  भन्ने पनि भुल्दै छु,
मलाई एउटा पूर्णबिराम चाहिएको छ आज,
बयलगाडा चढेर जुन छुन सकिंदैन।
आज भोली मेरो सपना,
पश्चिमकाली हुँदै
कच्ची बाटो
ओरालो झर्छ .

रात

भो भगवान् !

रातलाई रात् नै रहन दिम्

भोलि बिहान् उठेर हेर्छु

यो रातमा

कहाँ कहाँ पाईला टेकेर आएँ

कहाँ कहाँ चिप्लिएर लडें

कहाँ कहाँ हात समातेर उठेँ ।